LAOAG CITY – Napasuko dagiti kameng ti Philippine National Police ken Philippine Army ti maysa a kameng ti New People’s Army idiay Cagayan.
Nabigbig ti rebelde a ni Loreto Ventura, alyas ka-Nestor, agtawen ti 79 ken residente iti Brgy. Maab-abaca iti ili ti Piddig.
Iti pannakiuman ti Bombo Radyo Laoag kenni Ventura, dimmanun dagiti otoridad iti pagtaengan da iti siudad ti Tuguegarao ken inan-anusan da a binagkat daytoy.
Kuna na a pinagkapkape da ken pinakan da ti bsikwit kalpasan a simmuko.
Kinumpirmaran ni Ventura a bimmaba wenno nakisina kadagiti kakadua kabayatan ti Aquino Administration itay kallabes.
Inbatad na a nabayagen sipud idi nakikappeng iti New People’s Army.
Innayon ni Ventura a no napintas iti ipaay ti gobyerno a tulong kenkuana ket possible a sumuko met dagiti kakadua na.
Iti agdama ket nagtalinaed ni Ventura iti Piddig District Hospital para ti pannakataming na gapu iti kinalakay ken dagiti sakit na.
