LAOAG CITY – Nagkiddaw ti kampo ni Senador Loren Legarda ti sabali manen nga extension ti medical leave na.
Daytoy ti inbatad ni Senate President Sherwin Gatchalian kalpasan a nasaludsud kenkuana ti possible a panagsublin ni Legarda ditoy Pilipinas.
Inlawlawag ti senate president a ti ammo na ket agpapaagas ken agin-inana ni Senador Legarda, ken inulit na manen ti nadakamat na iti kallabes a sakbay a nagpila ti medical leave ti senadora ken naibaga nan kenkuana ng adda ti seryoso a medical condition na.
Maipalagip a naka-medical leave ni Legarda sipud pay idi Agosto 3 ken ti naudi a pannakakita kenkuana iti senado ket idi Hulyo 29 ita a tawen kabayatan ti plenary session.
Immunan nga inrakurak ti spokesperson ni Legarda a ni Atty. Tony La Viña a dumaldalan ti medical treatment ti senadora idiay France para iti lung ken autoimmune condition ken kasapulan na ti aginana kalpasan a kimmaro ti kondisyon na gapu iti stress wenno tension.
Mainaig iti daytoy, inbatad ni Gatchalian a mapalubusan ni Legarda nga agbotos iti impeachment trial ni Vice President Sara Duterte no agsubli iti Senado ken adda daytoy kabayatan ti panagbotos da.
