LAOAG CITY – Nakasaganan ti kandidata ti ciudad ti Laoag para iti pannakilaban na iti Miss Ilocos Norte 2025.
Binigbig iti local chief executive ti kandidata a mangibagi ditoy ciudad ti Laoag a ni Ariana Tobias, a nakoronaan iti napalabas a Miss Pamulinawen Festival.
Inbatad na nga ar-aramiden amin ti lokal a goierno tapno matulongan ni Tobias iti panagsanay na agingga iti kaaldawan ti kompentisyon.
Kabayatanna, nagyaman ni Tobias iti gobierno lokal gapo iti suporta a maipapaay kenkuana pakairamanan ti City Tourism Office.
Nagpanawagan pay ni Tobias kadagiti residente ditoy ciudad iti suportada kenkuana iti pannakilaban na iti Miss Ilocos Norte, ken mangnamnama a magun-od na ti korona.
Ibilang na ti pannakilaban na iti Miss Ilocos Norte kas dakkel nga oportunidad gapu ta maysa daytoy kadagiti arapaap na isut gapuna a saanna a sayangen ti naited kenkuana a gundaway.
Inpanamnama na nga aramiden na amin a kabaelan na para iti nasao a pageant.
