LAOAG CITY – Nairekord ti gobyerno probinsyal ti kangatuan a bilang dagiti nagpositibo iti COVID-19 gapu ta umabot iti 282 ti kaso.
Manipud kadagiti baro a kaso, 151 ti kao ditoy siudad ti Laoag, 49 iti siudad ti Batac, 25 iti ili ti Bangui, 16 iti Sarrat, 15 iti Paoay, innem iti Bacarra, agpapada nga uppat ti kaso iti Pasuquin, San Nicolas, ken Solsona, sagdudua iti Pinili ken Currimao, ken saggaysa iti Dingras, Badoc, Vintar, ken Pagudpud.
Gapu iti daytoy, umaboten ti 5,751 ti total cases ti COVID-19 ditoy probinsya ken addaan iti 1,516 ti aktibo a kaso.
Nagimbag met ti 156 a pasyente manipud iti COVID-19 idinto nga awan ti pimmusay rason a nagtalinaed a 103 ti bilang dagiti natay.
Iti bilang dagiti aktibo a kaso ditoy probinsya, kaaduan ditoy siudad ti Laoag nga addaan ti 759 a pasyente, 144 iti siudad ti Batac, 107 iti ili ti Bangui, 68 iti ili ti Bacarra, 56 iti Sarrat, 52 iti Paoay, 50 iti San Nicolas, 47 iti ili ti Dingras, agpada nga 41 ti aktibo a kaso iti Currimao ken Pagudpud.
