LAOAG CITY – Inadmitir ni Barangay Chairman Ade Agsao iti Barangay 14, Ester iti ili ti Vintar nga adda ti gundaway a nagbayad da ti Angkas certification tapno mapalubusan nga agkalubbon ti agkabbalay wenno agasawa.
Segun kenni Agsao, adda ti lima a nagbayad ken naikkan ti resibo ngem idi adda ti naawat da a mensahe manipud iti DILG ket inpasardeng na ti panagpabayad.
Gapo iti daytoy, kunana a dagiti nagbayad a lima a nangala ti sertipikasyon ket isubli da ti kwarta a 50 a pisos iti tunggal maysa.
Mainaig iti datytoy, inlawlawag ni Agsao a saan amin ket makaala ti Angkas certification gapo ta adda ti masurot kas iti tawen a mabalin a rumwar, addaan ti lisenysa ken dagiti laeng agkakabbalay.
Kabayatanna, kuna ni Agaso nga iti tricycle ket masapol nga addaan met laeng ti Angkas certification dagiti dua a pasaheros.
