LAOAG CITY – Naglikudan ni Barangay Chairman David Pascua iti Barangay 23 iti ili ti San Nicolas ti naidanun a report ditoy Bombo Radyo Laoag.
Daytoy ket mainaig iti maipagarop a kaadda dagiti saan a residente iti barangay a mapan agbasak-basak iti rabii ken no adda dagiti nakasilaw pay laeng a balay ket uburen da.
Rumrumuar a dagiti maseknan ket sumalog da manipud iti bantay.
Nupay kasta, inbatad ni Kapitan Pacua nga awan pay ti naidandanun kenkuana a report mainaig iti daytoy.
Innayon na a masansan nga agronda dagiti barangay tanud na iti rabii ken awan met dagiti sabali a rupa a makitkita da iti barangay da.
Mainaig iti daytoy, kuna ti kapitan nga adda dagiti kabarangayan na nga agdapdapil ti unas no sadinno nga uray iti rabrabii wenno parbangonen ket adda da pay laeng iti ruwar nga agisagsagana kadagiti lutwen da.
