LAOAG CITY – Naluksaw ni Barangay Chairman Alicia Bonoan iti Brgy. Balacad ditoy siuad ti Laoag kalpasan a natiliw dagiti lima a kabarangayan na gapu ti panagsusugal da idi kalman, Abril 25, 2020.
Kuna na a saan da a nagliway ti pammagbaga kadagiti kabarangayan da mainaig ti saan a panagiwayat ti iligal nga aktibidad kas ti panagsugal.
Segun kenni Bonoan, agtultuloy met ti panagronda dagiti barangay tanod nangruna iti rabii tapno agmonitor kadagiti aktibidades dagiti residente kasta met ti panagruwarda bayat ti curfew hours.
Mainaig iti daytoy, inlawlawag na a saan a tallo dagiti benepisyaryo ti social amelioration program manipud kadagiti lima a natiliw ngem ketdi maysa laeng a daytoy ket ni Rosalino Agonoy y Fuerte, agtawen ti 50, tricycle driver ken nagbuybuya kadagiti naggaayam ti tong-it.
Malaksid kenni Agonoy ket natiliw pay da Nelson Agonoy y Duldulao, agtawen ti 53, self employed; Florendo Bumanglag y Agustin, agtawen ti 72, OFW; Felinor Tolentino y Gagala, agtawen ti 50, mannalon, kenni Juanito Duldulao y Agonoy, agtawen ti 75, agpapada a residente iti nasao a barangay
