LAOAG CITY – Inpetteng ni Brgy. Chairman Rey Menor iti Brgy. 41, Balacad ditoy siudad ti Laoag a saan nga agpadespensar iti maipagarup a panangbekkelna iti maysa nga indibidual a mapan aganawa kadagiti nagririri.
Inlawlawag na a saan nga isuna ti rumbeng nga agpadespensar no diket ti mismo mangirekreklamo kenkuana.
Segun kenni Menor, ingawid na laeng ti maseknan gapo ta ginandat na a tulungan ti ama na nga isu ti karaman kadagiti agririri ken ti naigawid na ket ti tengnged ti indibidual.
Inbatad na a ti ama ti maipagarop a binekkel na ti ummuna a nagprobokar agingga a napasamak ti panagkakabil iti uneg ti dap-ayan ti nasao a lugar.
Kunana a ti namunganayan iti panagririri dagiti maseknan ket ti sanikua.
Kabayatanna, inpalgak ti kapitan a sangbutan na no mangipila ti reklamo ti pamilya ti maseknan nga indibidual.
Ummuna iti daytoy, ak-akusaran ti maseknan a binekkel isuna ti kapitan iti laksid a mapan kuma laeng aganawa kadagiti nagririri.
