LAOAG CITY – Inpetteng ni Barangay Chairman Andres Guillermo Jr. iti Barangay Camangaan ditoy ciudad ti Laoag nga awan ti kinapudno na ti dimmanon a reklamo iti Bombo Radyo.
Daytoy ket seknan iti maipagarop a panangpabain na iti maysa a kadwa ti complainant kabayatan ti hearing iti komosyon a maipagarop nga adda ti maysa nga ubing a nairaman itay kallabes.
Segun kenni Guillermo, gapo ta nangrugin ti hearing ken saan na a kayat a maistorbo ngem adda ti mangayat a sumrek a mapan agoberserbar.
Inlawlawag na a kanayun a kastoy ti aramiden da kadagiti mangayat a sumrek a kunana a mapan agin-oobserbar kalpasan ket agsao-sao a pakaistorbwan ti hearing.
Maianig iti daytoy, kunana a no kiddawen dagiti maseknan a sumrek sakbay ti hearing ket palubusan na.
