LAOAG CITY – Naglikudan ni Barangay Chairman Rogelio Dahilig iti Barangay Napu iti ili ti Badoc a saan da nga ipapaayan ti tulong dagiti naka-isolate a kabarangayan na.
Daytoy ket kalpasan nga adda ti dimmanon nga impormasyon ditoy Bombo Radyo Laoag a maipagarop a saan a tumultulong ti barangay kadagiti naka-isolate.
Segun kenni Dahilig, arig na inaldaw a bagaan na dagiti maseknan a no adda ti kasapulan wenno ipagatang da ket mangipatulod laeng ti mensahe kenkuana wenno dagiti dadduma pay nga opisyal ti barangay.
Inpetteng na nga adda met ti kanayon a nakaduty a bukbuklen ti opisyales, tanod ken BHW.
Inpasigurado na a dagiti naka-quarantine a nagpositibo ket adda ti ayuda a naipaayan.
