LAOAG CITY – Inbatad ti Qatar nga umus-usaren ti kappia iti nagbaetan ti Estados Unidos ken Iran, rason ti panagbaba ti presio ti produkto ti petrolio iti intero a lubong.
Segun iti Qatar, tinalantan ni U.S. President Donald Trump ken Emir Sheikh Tamim bin Hamad Al Thani dagiti kalikagumda para iti posision ti Washington ken Tehran tapno maisubli ti normal a sitwasion iti Strait of Hormuz.
Nupay kasta, inpetteng ti Iran nga awan pay ti pormal negosasionda iti Amerika.
Kabayatanna, inpanagetget ti Iran ti agultuloy a nannayas a pannakisarsaritada iti Oman mainaig iti natalged a panagserrek kadagiti barko iti Strait of Hormuz.
Iti baet daytoy, agtultuloy pay laeng ti tension iti rehion no sadinno ket nairekord manen ti maysa a cargo vessel a baro a natamaan ti saan a masinunuo a projectile iti asideg ti Strait of Hormuz.
