LAOAG CITY – Inpaganetget ni Bombo International News Correspondent Rene Ballenas iti Estados Unidos a dakkel ti paset dagiti LGBTQIA+ wenno Lesbian, Gay, Bisexual, Transgender, Queer, Intersex, Asexual iti komunidad isu a saan a rumbeng a maikankano dagitoy.
Daytoy ket iti laksid nga awan pay ti nakaru nga reaksyon dagiti residente iti Estados Unidos iti inrakurak ni US president-elect Donald Trump nga apaman nga agtugaw daytoy inton umay a tawen ket ipasardeng na ti “transgender lunacy” iti Estados Unidos.
Segun kenkuana one-sided laeng ti desisyon ni Trump no maipapan iti karbengan dagiti transgender.
Kunana nga adda ti linteg a mangbigbig iti same sex marriage iti Estados Unidos isu a mamati daytoy nga alaen met laeng ni Trump ti takder ti Congress.
Saklawen ti ipatungpal a linteg ni Trunp ti saan na panangpalubos a makastrek iti militar ken pagadalan dagiti transgender.
Malaksid iti daytoy inpasigurado pay ni Trump a saan na nga ipalubos a makisalip dagiti lallaki iti women’s sport.
Maipalagip a nagbalin a nabara ti isyu maipapan iti transgender apaman ti panagdebate da Trump ken US Vice Pres. Kamala Harris idi kampaniya 2024 US Presidential Election.
