LAOAG CITY – Agtultuloy ti panagngato ti volume dagiti meat products nga inangkat ti Pilipinas manipud kadagiti nagduduma a pagilian.
Basar iti Bureau of Animal Industry (BAI) nga iti napalabas a tawen ket addaan ti 1.33 bilyon a kilo ti naangkat.
Naartapan daytoy ti bilang idi 2023 nga addaan laeng ti 1.2-B.
Maysa kadagiti nakita a rason ti Bureau of Animal Industry ket iti epekto ti African Swine Fever (ASF) ditoy pagilian ken ti saan a panagngato ti taripa kadagiti imported a karne.
Immuna ti pagilian a Brazil ti pagang-angkatan ti Pilipinas kadagiti karne a sinaruno ti Estados Unidos ken maikatlo ti Spain.
