LAOAG CITY – Kinumpirmaran ni Police Major Nelson Apostol, mangidadaulo ti PNP-CIDG ditoy probinsya a maipila ita nga aldaw ti kaso a panaglabsing iti Comprehensive Firearms and Ammunition Regulation Act.
Nabigbig ti suspek a ni Cesar Tabios Jr., agtawen ti 51, maysa a mangalap ken residente iti Barangay Poblacion 2 iti ili ti Pagudpud.
Segun kenni Apostol, balligi ti naiyuswat a search warrant operation iti pagtaengan ti suspek no a sadinno a nakumpiskar ti maysa a kalibre 38 a paltog ken lima a bala daytoy, maysa a bala iti kalibre 45 a paltog, ken ti nangisit a bag a nakaikargaan dagiti paltog.
Inbatad na sakbay iti daytoy ket adda ti report a ni Tabios ket agbitbitbit ti paltog.
Ti suspek ket nagtalinaed iti kustudiyar ti PNP-CIDG.
