LAOAG CITY – Naibasura ti kaso administratibo a naipila kontra ken ni Mr. Cipriano ‘Perry” Martinez, ti Acting General Manager iti Ilocos Norte Electric Cooperative (INEC).
Ti reklamo kontra ken ni Martinez ket naiturong iti National Electrification Administration (NEA).
Namonganay ti kaso administratibo kontra iti Acting General Manager gapu iti maipagarop a pannakausar ti pondo nga awan ti pammalubos ti National Electrification Administration, panagbugkaw kadagiti empleado ken dadduma pay.
Nupay kasta, intultuloy latta ni Martinez ti naiget a panagtrabaho na gapu ta patien na nga awan ti kinapudno na dagiti alegasyon kenkuana.
Saan metten nga indetalye ni Martinez ti naipaima kenkuana a surat seknan iti nakaipalaunan ti pannakaibasura ti kaso administratibo a naipila kontra kenkuana.
