LAOAG CITY – Nairekord dagiti 26 a baro a kaso ti covid-19 ditoy probinsya.
Iti datus ti gobyerno probinsyal, 26 pay a pasyente dagiti nalaingan manipud iti nasao a virus.
Umaboten iti 2282 ti kaso ti covid-19 ditoy probinsya, nagtalinaed a 334 dagiti aktibo a kaso, 1922, recoveries, ken 26 dagiti natay.
Manipud kadagiti baro a kaso, 17 dagiti baro a kaso ti COVID-19 ditoy siudad ti Laoag, sagdudua iti ili ti Solsona, Dingras, Badoc ken Currimao idinto a maysa iti Brgy. 16 San Marcos iti ili ti San Nicolas.
Nagtalinaed a kaaduan ti active cases ditoy siudad nga addaan iti 159 dagiti pasyente, 47 iti ili ti Bacarra, 30 iti siudad ti Batac, 23 iti ili ti San Nicolas, ken 17 iti ili ti Dingras.
Nagpalagip ti gobyerno probinsyal iti panagsaluad iti bagbagi manipud iti makapatay a virus babaen iti panagsurot kadagiti health protocols.
