LAOAG CITY – Umaboten iti 89 ti kaso ti COVID-19 ditoy probinsya kalpasan a naimaldit dagiti tallo a baro a kaso ti nasoa a virus nga agpapada a residente iti Brgy. 18 iti ili ti Pasuquin.
Iti impormasyon manipud kenni Gov. Matthew Marcos Manotoc, dagitoy ket da IN-C87, babai, agtawen ti 25, APOR wenno Customer Service Representative; IN-C88, lalaki, agtawen ti 51 kenni IN-C89, babai, agtawen ti 23.
Kuna na a ti exposure da IN-C88 kenni IN-C89 ket ni IN-C87 a kabarangayan da idinto a ti exposure ni IN-C87 ket ni IN-C73, lalaki, agtawen ti 38, APOR wenno Customer Service Representative ken residente iti Brgy. 6 ditoy siudad ti Laoag.
Naamuan a ni IN-C88 ket symptomatic ken naadmit idinto a da IN-C87 kenni IN-C89 ket asymptomatic ken isolated.
