LAOAG CITY – Nanayunan ti dua ti bilang dagiti pimmusay gapu iti covid-19 idiay Hawaii.
Iti report ni Bombo International News Correspondent Manny Pascua iti Hawaii, nairekord dagiti pimmusay iti Honolulu.
Gapu iti daytoy, addan 41 ti pakadagupan dagiti natay iti Honolulu idinto a nagtalinaed a maysa iti Kauai ken pito iti Maui.
Kabayatanna, iti kaudian a datos ti Hawaii Department of Health, 169 ti baro a kaso a nairekord rason nga addan 6,769 ti total a bilang dagiti nagpositibo iti virus iti Hawaii.
