LAOAG CITY – Naobserbaran ti apagapaman a panagngato ti kaso ti dengue iti pagilian kabayatan nga agtultuloy ti Department of Health (DOH) ti panagbanaty iti WILD (Water-borne disease, Influenza-like illness, Leptospirosis, and Dengue).
Manipud iti naipadamag a panag-plateau, ti bilang dagiti kaso ket nangrugi nga immuli iti 10% manipud iti 5,547 a naipadamag idi Mayo 5 agingga 18, 2024 iti 6,082 a kaso idi Mayo 19 agingga Hunio 1.
Sipod idi nangrugi ti tawen 2024 agingga idi Hunio 15, ket adda ti pakabuklan a 77,867 a kaso ti dengue ti naipadamag no sadino adda ti 205 ti pimmusay.
Naammoan a ti bilang dagiti kaso ita a tawen ket 15% a nangatngato maidasig iti napalabas a tawen a tally a 67,576 para iti kapada a tawen.
Lima laeng a rehion ti awan ti panagngato ti kaso iti panawen manipud idi Mayo 5 agingga Hunio 1: NCR, CALABARZON, Central Visayas, Eastern Visayas, ken Caraga.
Kabayatanna, ti Department of Health ket saan a mangiruruar kadagiti partikular a nagan dagiti lokal a gobierno tapno palubusanda ti coordinated risk communication, community engagement and response iti localized dengue outbreaks kas iti naiyallubog iti Section 7 ti Republic Act No. 11332.
