LAOAG CITY – Umaboten ti 97 a kaso ti dengue ditoy ciudad ti Laoag sipud idi enero ita a tawen.
Daytoy ti kinumpirmaran ni Mrs. Rowena Nicolas, ti incharge ti Dengue Program iti City Health Office (CHO) ditoy ciudad ti Laoag.
Gapu ti daytoy, agtultuloy ti naiget a kampanya ti CHO nga ugalien ti kanayun nga agdalos iti aglawlaw tapno awan dagiti mabalin a pagumukan dagiti lamok a carrier ti sakit a dengue.
Innayon na a kanayun pay ti panagsursur da kadagiti nagduduma a barangay ditoy ciudad tapno maamoan no adda dagiti positibo ti sakit a dengue.
