LAOAG CITY – Inrakurak ti Quezon City Government ti panagbaba ti 90% kadagiti kaso ti dengue iti siudad.
Daytoy ket kalpasan ti dua a bulan a pannakaideklar ti outbreak iti dengue.
Basar iti Epidemiology and Surveillance Division ti Quezon City Health Department, dagiti kaso ti dengue ket bimmaba manipud iti 626 iti nagbaetan ti Pebrero 16 agingga iti 22 iti 64 manipud idi Abril 2 agingga iti 8.
Inikkat payen ti outbreak status ti dengue iti 123 a barangay iti siudad iti baet nga adda pay ti 19 a barangay nga adda iti ngato ti epidemic threshold.
Maipalagip nga indeklarar ti dengue outbreak idiay Quezon City idi Pebrero iti panagadu dagiti kaso ti sakit ken sangapulo ti pimmusay.
