LAOAG CITY – Bimmaba ti bilang ti kaso ti Dengue ditoy Probinsia ita a tawen.
Daytoy ti pinasingkedan ni Provincial Health Officer Dr. Josephine Ruedas.
Segun kenkuana, numan addan iti panag todo todo na iti daytoy a bulan ti Hunyo a panagraira ti nasao a sakit ket agtultuloy met dagiti programa ken seminars ti opisina da.
Kuna na a rumrumwar a 50 % ti bimamabaan ti kaso ti Dengue ditoy Ilocos Norte gapu ta manipud ti 347 a kaso itay napalabas a tawen 2017 ken enero 2018 agingga na kadagitoy a gundaway adda laeng iti 99 a kaso ti Dengue ken tallo a tawenen nga awan iti natay mainaig iti nasao a sakit.
Kabayatan na, imbaga ti Mariano Marcos Memorial Hospital and Medical Center ti Siudad ti Batac nga awan pay dagiti nagbalin a kaso da iti Dengue agpapan iti daytoy a bulan ti Hunyo.
