LAOAG CITY – Kinumpirmaran ni Doctor Joseph Adaya iti City Health Office iti ciudad ti Laoag nga umaboten ti 15 ti kaso ti HIV-AIDS ti nasao a ciudad.
Inbatad na a kaadoan kadagiti biktima ket manarimaan nga agpapaagas.
Kuna ni Adaya a malaksid kadagiti 15 a kumpirmado nga addaan ti sakit nga HIV ken adda pay ti dua a manarimaan nga ikomkompirmar da.
Innayon na a kaadoan kadagiti biktima ket taga Laoag met laeng idinto a dagiti dadduma ket agtrab-trabaho da laeng ditoy ciudad ti Laoag.
Inpakaammo pay ni Adaya a dagiti biktima ket inpatulod da amin iti ospital ti ciudad ti Batac nga isu ti ayan ti treatment hub ken regular a mangipaay kadakuada ti libre nga agas.
Mainaig ti daytoy, kuna ni Doctor Adaya a plano ti gobierno ti ciudad ti Laoag a mangpatakder ti treatment hub ngem saan da pay a naala amin a requirements.
Kabayatanna, nagpanawagan ni Adaya kadagiti addaan ti sakit nga HIV a saan da nga agdudua ken agbuteng a mapan iti opisina da gapu ta libre ti maipaay kadakuada nga agas ken confidential ti kinatao da.
