LAOAG CITY – Inpakammo ti Department of Health (DOH) nga adda ti 25-percent a panagbaba ti influenza-like illness (ILI) cases iti pagilyan iti napalabas a dua a lawas iti baet ti seasonal a panagngato iti flu infections.
Segun iti ahensya, iti kaudian a surveillance record ket 6,457 cases iti influenza-like illness manipud Sept. 28 agingga iti Oct. 11, 2025, nababbaba ngem iti 8,628 cases iti kapada a panawen iti napalabas a tawen.
Iti laksid ti panagbaba, pinalagipan ti ahensya ti publiko a a manarimaan pay laeng ti flu season manipud panawen ti panagtutudo iti Hunyo agingga iti pannakapasar ti northeast monsoon wenno angin amian.
Inbatad ti ahensya a tapno maipababa pay daytoy, inrubwat na ti health education drive “Trangkaso Bye-Bye!,” no sadinno maipakammo dagiti simple a preventive habits kas iti husto a panagbuggo iti ima, panaginana ken pannangangan iti nasustansya a taraon.
Ti influenza-like illness ket maysa a respiratory illness nga itunda ti viruses kas iti Influenza A and B, respiratory syncytial virus (RSV), ken rhinovirus.
