LAOAG CITY – Nanayunan ti dua a kaso ti mpox iti Pilipinas isut gapuna nga umaboten iti 12 ti pakabuklan a kaso iti pagilian.
Basar iti Department of Health (DOH), ti maika-11 kaso ket agtawen ti 37 a lalaki manipod iti National Capital Region (NCR) a nakadlaw kadagiti sintomas sipud idi Agosto 20, partikular ti litem iti rupa, takyag, gurong, thorax, dakulap ken, ken dapan.
Iti inisyal nga imbestigasyon, ti kaso ket awan ti ammo na a pannaka-expose iti siasinno man nga indibidual nga addaan ti kapada a sintomas.
Nupay kasta, inadmitir na nga adda ti intimate ken skin-to-skin contact iti uneg ti 21 nga aldaw sakbay a nangrugi dagiti sintomas na.
Naadmit ti pasyente iti maysa nga ospital ti gobierno idi Agosto 22 ken ditoy a naalaan ti sample ti kudil ken kalpasan na ket naeksamen iti Department of Health Research Institute for Tropical Medicine (RITM).
Inpakaammo ti Department of Health a ti nasao a pasyente ket nagtalinaed a naka-confine iti ospital.
