Dimmanon ti 35 a bilang dagiti kaso ti Pertussis iti rehion ti Bicol basar iti Department of Health Bicol babaen ti tulong ti Regional Epidemiology and Surveillance Unit (RESU).
Dagiti nadakamat a kaso ti pertussis ket naggapu iti probinsia ti Albay nga addaan iti 14, Camarines Sur nga addaan iti 12, Sorsogon nga addaan iti 7 ken Masbate nga addaan iti 2, pakairamanan ti dua a pimmusay manipud iti probinsia ti Masbate ken Camarines Sur.
Dagiti nadakamat a datos ket napagtipon a Clinical ken Laboratory confirmed cases nga inrekord ti Regional Epidemiology and Surveillance Unit manipud Enero 1 agingga Abril 22 iti agdama a tawen.
Kabayatanna, ti pertussis, wenno whooping cough, ket nakaro a makaakar nga impeksion ti bara a patauden ti bakteria a Bordetella Pertussis a gagangay nga apektaranna dagiti ubbing, nangnangruna dagiti maladaga ken ubbing a saan a naan-anay a nabakunaan.
Iti agdama, agtultuloy ti panangipalagip ti Department of Health kadagiti nagannganak a bakunaan dagiti ubbing kontra iti daytoy a sakit ken kanayon a surotenda dagiti minimum public health standards kas iti social distancing ken panagisuot iti facemask tapno saanda a maakaran iti daytoy a sakit.
