LAOAG CITY – Umaboten iti 169 ti naimaldit a kaso ti human rabies manipud Enero aginnga idi Mayo, iti agdama a tawen, no sadino nangatngato daytoy no idilig idi napalabas a tawen iti kapadana metlaeng a bulan.
Maibasar iti datos manipud iti Department of Health (DOH), nangatngato iti 13% ti kaso a nairekord iti nadakamat a bulan.
Kaaduan kadagiti lugar a nakaimalditan ti nasao a ravies ket manipud Soccsksargen region, Central Mindanao no sadinno a dumanon iti 21, sarunuen ti Calabarzon ken Bicol Region nga addan iti agpada a 18.
Gapu iti daytoy, nagballag ti Department of Health (DOH), iti publiko a nasken nga pabakunaanda dagiti tarakenda nga aso ken pusa kontra iti rabies kasta met nga agpabakuna dagitoy apaman a nakagat da kadagiti taraken da.
