LAOAG CITY – Maalarma ti National Capital Region Police Office (NCRPO) gapu iti panagngato ti suicide ken self-harm incidents idiay Metro Manila, manipud 33 a kaso iti kapada a panawen idi 2025, iti 111 a kaso manipud Enero 1 agingga iti Marso 23, 2026.
Basar iti National Capital Region Police Office, masansan a rason dagitoy ket emotional distress, problema iti relasion, pinansial a pressure wenno personal a pannakapukaw.
Dinakamat ti ahensia ti epekto ti sobra nga oras iti online platforms ken gaming a mabalin a mangpakaro ti emosional a kinakapsot.
Pappapigsaen ti National Capital Region Police Office ti real-time ken community-based interventions iti pannakibinnulig iti barangay, pagadalan ken dadduma pay a lokal a grupo tapno malappedan dagiti senyales ti risgo.
Nabalakadan ti publiko nga agbalin nga alerto iti panagbalbaliw ti ugali, withdrawal iti social interactions ken shift iti online activity.
