LAOAG CITY – Naaramid ni 3-time NBA MVP Nikola Jokic ti kaunaan a 30-20-20 game iti NBA kalpasan nga indauloanna ti Denver Nuggets tapno abaken ti Phoenix Suns iti overtime game.
Iti panangabak ti Nuggets, kimmamada ti bigman ti 31 points, 21 rebounds ken season-high a 22 assists.
Napilitan ti Nuggets a sangoen ti Suns iti overtime kalpasan a saan a nalappedan ti naudi iti comeback-da manipud iti 21-point deficit ken kinamat ti all-125 score iti panaglippas ti 4th quarter.
Iti panagserrek ti overtime, saanen a nalappedan ti Suns ti Nuggets kakpasan ti nagsasaruno a panagserrek daytoy ti shots ken naaramid a 24-16 run iti uneg ti lima a minuto.
Iti walo nga umaayam ti Nuggets a nagay-ayam kontra iti Suns, pito kadakuada ti nangaramid ti double-digit points.
Indauloan met ni Devin Booker ti Suns babaen ti 34 points, pitong nga assists ken innem a rebounds idinto a 29 points ken siam a rebounds ti kontribusion ni 2-time NBA Champion Kevin Durant.
Gapu iti panagballigi ti Nuggets, iggem daytoyen ti 41-22 win-loss record ken maikatlo iti Western Conference.
Sinaruno daytoy ti West ti Los Angeles Lakers ken Oklahoma City Thunder.
Bimmagsak met iti 29-34 ti Suns ken adda iti maudi a maikalima a team iti West.
Ti OT game ti Suns ket kagiddan metten ti OT game iti immuna a match kontra iti Los Angeles Clippers.
