LAOAG CITY – Agladladingit ita ni OPM singer a ni Kean Cipriano gapu iti pannakatay ti inana a ni Chona.
Iti online account-na, inburayna ti ladawanda nga agina nga adda ti naipalaon a surat nga isagutna iti inana.
Nagyaman met isuna iti inana iti awan sarday a panagayatna kenkuana idi sibibiag pay daytoy.
Pimmusay ti ina ni Kean iti tawenna nga 60 no sadinno a saannan a dinakamat pay ti rason iti pannakatay ti inana.
Nangipadanon ti pannakipagladingit dagiti kakaduana iti musika kasta pay dagiti nasisinged a pagayamna.
