LAOAG CITY – Naduktalan dagiti agsuksukisok iti University of Washington a kaadduan kadagiti kaso ti “sudden unexpected infant death” ket manipud kadagiti ina nga obese wenno nalukmeg unay.
Iti naisayangkat a panagadal ket rumrummuar nga adda ti pakainaiganna ti maternity obesity iti risgo ti sudden unexpected infant death.
Nakita daytoy iti minilyon a naipasngay iti intero a lubong iti uneg ti uppat a tawen.
Agtultuloy met ti panagngato ti risk level basar iti severity ti obesity.
Gapu iti daytoy, ad-adu pay a panagadal ti ar-aramiden ita dagiti agsuksukisok tapno makita ti koneksion dagiti nadakamat a dua a factor.
