LAOAG CITY – Dakkel ti risgo a ma-develop ti uterine cancer kadagiti babbai a masansan nga agpapa-hair relax.
Iti naiyuswat a panagadal iti Boston University ti postmenopausal Black Woman, rumrummuar a 95% ti adult Black Woman idiay Estados Unidos ti agus-usar ti hair relaxers.
Nadakamat a plano nga ilungalong ti United States Food and Drug Administration ti pannakai-ban iti formaldehyde (FA) ken dadduma pay nga FA-releasing chemicals kas ti methylene glycol a maysa nga ingredient iti hair smoothing ken hair straightening a mailaklako idiay Amerika.
Naammoan dagiti adu a Black ken Latina ti mapagat-atapan a naaddaan ti gynecologic cancers kas ti breast, ovarian ken uterine cancer gapu iti nabayagen a panagusar ti hair relaxer.
