LAOAG CITY – Naiserbi ti arrest warrant nga inruar ti Quezon City Prosecutors Office iti balay ti aktor a ni Ken Steven Chan, ngem awan ni Ken Chan iti balayna.
Segun kenni Atty. Joseph Noel Estrada, abogado ti maysa kadagiti nagreklamo, saanda a naiserbi ti warrant manipud iti korte gapu ta awan ti nangawat a kameng ti pamilia.
Ni Ken Chan, agraman ti innem a dadduma pay nga indibidual ket naidarum iti syndicated estafa.
Ti kaso ket adda pakainaiganna iti maipagarup a pannakairaman ti awan kapadasanna nga aktor iti restaurant investment scam.
Kinuna ni Atty. Estrada, 14-milion a pisos ti naipuonan ngem malaksid iti saan a panangted iti aniaman a kita kas inkari, ket napukaw ti naideposito a kuarta.
Iti agdama ket saan a masinunuo ti ayan ti aktor ken awan pay ti komento na seknan iti daytoy.
