LAOAG CITY – Inbatad ni Bombo International Correspondent Manny Pascua idiay Hawaii nga agtultuloy ti panagulimeken ti Kiluea volcano sa Big Island, Hawaii.
Segun kenni Pascua, inkabilen ti Hawaii Civil Defense watch level manipud iti warning ti kaaktiboan a bulkan iti intero a lubong.
Daytoy ket kalpasan a nagsardengen ti pannakai-rekord dagiti volcanoligist idiay Hawaii ti panagregnay ti crater ken ti panagpuswak ti lava iti Leilani Estate Subdivision.
Nupay kasta, saan pay a maibaga ti Civil Defense no maminpinsanen ti panagulimek ti nadakamat a bulkan.
Naamoan a maysa pay a bulan ti urayen dagiti maseknan sakbay ti pannakaideklara a naan-anayen a nagsardeng ti panagabulruto ti nasao a bulkan.
Maipalagip nga iti tallo a bulan ti panagalburuto ti bulkan iti Lower Puna District ket umabot ti 720 a pagtaengan dagiti nadadael ken 950 acres ti nainayun a baro a daga iti isla.
Kabayatanna, agtultuloy ti panagreklamo dagiti residente gapo iti kinatagari dagiti tourist helicopter nga agkarkarga kadagiti turista a mapan bumisbisita iti nasao a lugar.
Kaligagom dagiti maseknan a dagiti helicopter ket saan da a magna iti batog dagiti residential houses gapo ta maistorbo no agin-inana dagitoy.
