LAOAG CITY – Naka-schedule nga agbiyahe ni King Charles a mapan idiay Auschwitz iti maudi a paset ita a bolan.
Daytoy ket tapno mapan agatendar iti maika-80 nga anibersaryo ti panagwaywayas iti Nazi concentration camp.
Inbatad ti Buckingham Palace a ti commemoration iti Poland intono Enero 27 ita a tawen ket isu ti kaunaan nga overseas trip ni King Charles ita a tawen.
Maipalagip nga idi Lunes ket nag-host ni King Charles iti aktibidad iti Buckingham Palace para iti education projects partikular iti pannakaisuro ti maipapan ti Holocaust nga inpataw dagiti Nazi kadagiti Hudyo.
Nakasarita a mismo ni King Charles ni Holocaust survivor Manfred Goldberg, agtawen ti 94, ken ditoy nga inpasigurado na a ti Holocaust ket saan to pulos a malipatan.
