LAOAG CITY – Napadayawan kas Mister Pilipinas-International ti Filipino-German model a ni Kirk Bondad.
Inrepresentarna ti Baguio no sadinno nga inabakna dagiti dadduma a nakipaset iti pageant a naisayangkat iti Newport Performing Arts Theater idiay Pasay City.
Ni Bondad ket nakipaset payen iti 2024 Mister World competition idiay Vietnam idi Nobiembre a nagpatingga isuna iti semifinals.
Nagun-od met ni Kenneth Marcelino ti Laguna ti Mister Pilipinas Cosmopolitan award idinto a ni Michael Angelo Toledo ti Cebu City ket naiyawidna ti titulo a Mister Pilipinas Man of the Year 2025.
Nagballigi met kas Mister Pilipinas Eco International ni Kitt Cortez ti San Juan City idinto a Mister Pilipinas Manhunt International 2025 ni Raven Lansangan ti Pampanga ken Mister Pilipinas Global ti naala ni Jether Palomo ti Taguig City ken Mister Pilipinas Supranational ni Kenneth Cabungcal ti Dumaguete City.
