LAOAG CITY – Pimmusayen ti pambato ti Tonga iti kitefoiler a ni J.J. Rice iti tawenna a 18.
Segun iti ama daytoy a ni Darren, natay ti anakna iti maysa a diving accident iti Tonga.
Ti US-born a ni Jackson James Rice ket agbalin a kaunaan a Caucacisan a mangirepresentar ti Tonga iti Olympic.
Napasamak ti insidente idinto nga adda iti free diving daytoy idi makapasar isuna ti water blackout.
Naitaray isuna iti ospital ngem saanen a naisalbar ti biagna.
Nagleppas daytoy iti maikawalo a puesto iti Sail Sydney event idi Disiembre isu a nakagun-od daytoy ti puesto iti Olympics.
Naammoan a ti Kitefoiling event ket kaunaan a maiyuswat iti Paris Olympics.
