LAOAG CITY – Kinumpirmaran ti maysa a pinay idiay Spain a nasuspenso ti klase kadagiti pagadalan ti nasao a pagilyan gapu ti nabengbeng nga snow.
Segun ken ni Mrs. Maybelyn Paleracio, taga Marcos, Ilocos Norte ngem agdama nga agnanaed idiay Madrid, Spain, nasuspenso ti klase gapu ta nagalis ti dalan.
Inlawlawag na a mabalin nga ado dagiti ubbing a madesgrasya no agtalinaed da ti ruwar gapu ti nabengbeng nga snow.
Mainaig ti daytoy, kuna ni Paleracio a saan da met a marigatan a rumuar uray nabengbeng ti snow gapu ta adda ti sapatos ken pantalon a nairanta nga usaren da para ti kastoy a panawen.
Immunan a nairakurak ti pannakasuspenso ti flights idiay Spain gapu ti nabengbeng nga snow a mangbalbalkot ti agdama ti nasao a pagilyan.
