LAOAG CITY – Sinentensiaan ti uppat a bulan a pannakaibalud ti miembro ti Kingdom of Jesus Christ (KOJC) gapu iti pananglappedna idi iti highway iti kangitingitan ti panangarestar iti founder-da a ni Pastor Apollo Quiboloy.
Napaneknekan a guilty ti Metropolitan Trial Court Branch 39 iti Quezon City ni Eduardo Corda gapu iti panaglabsing iti Section 13(a) ti Batas Pambansa Bilang 880 wenno ti Public Assembly Act of 1985 nga adda ti naiwayat a tignay-protesta idi Agosto 2024 iti Kingdom of Jesus Christ compound idiay Davao City.
Namunganay ti kaso manipud kadagiti tignay-protesta ken barikads ti Kingdom of Jesus Christ supporters iti katengngaan ti panagiserbi dagiti otoridad ti arrest warrant kontra ken ni Quiboloy.
Basar iti desision, inokuparan dagiti agiwaywayat ti paset ti Philippine-Japan Friendship Highway babaen kadagiti lugan ken dadduma pay a barikada a nagresulta iti public obstruction iti kangitingitan ti police operations.
Iti baet a nakaala ti permit ti grupo para iti prayer rally ken candle lighting activity, sakupen daytoy ti event iti uneg ti Kingdom of Jesus Christ compound.
Inkalintegan met ti kampo ti Kingdom of Jesus Christ member iti trial a saan nga isuna ti nangorganisar kadagiti iligal nga aktibidad ken agtignay iti ministerial wenno peacekeeping role iti katengngaan ti panagtitipon.
