LAOAG CITY – Inrakurak ni Atty. Yvette Leynes, Provincial Administrator a bimmaba ti koleksyon ti extraction fee ti probinsia iti tawen 2022-2023.
Segun kenni Leynes, daytoy ket gapu ta adda dagiti 15 agingga iti 20 a pending nga aplikasyon dagiti quarry applicant para ti Natonal Irrigations Administration Clearance.
Namunganay daytoy a rakurak ni Leynes kalpasan nga inlawlawag ti Natonal Irrigations Administration no apay nga adda dagiti mabayag ti pannakaiparuk-at na a clearance.
Inbatad ni Engr. Romel Batuac iti Natonal Irrigations Administration a dumalan pay laeng iti Central Office ti applikasyon kangrunaan dagiti agquarry iti uneg ti 1 kilometer radius ngem no saan ket manipod laeng iti opisinada.
Inlawlawag na a no iti uneg ti 1 kilometer radius, posible a maapektaran dagiti irrigation canal gapo ta saan a makasangat ti danum.
Mainaig iti daytoy, kuna ni Leynes nga adda idi ti katulagan iti nagbaetan dagiti permittee ken dagiti mannalon a nu agkasapulan ti tulong dagiti mannalon ket tumulong dagiti permittee.
