LAOAG CITY – Inbutaktak ti komediante a ni Betong Sumaya a daytoy ket nabiktima ti panagtatakaw ti cellphone idiay Quezon City.
Iti social media account-na, inburayna ti insidente a napasamak iti agarup ala-1 ti parbangon kabayatan nga agbu-book ti malugananna idiay Tomas Morato Avenue.
Nagkiddaw pay daytoy ti tulong iti Kamuning Police Station no sadinno a na-track-da daytoy nga adda iti paset ti Sta. Mesa, Manila ngem napaayda.
Gapu iti daytoy, inabisoanna dagiti fans-na nga ugalien nga agbalin a naridam ken saan a kanayon nga agkomportable kadagiti lugar a pagturturongan.
