LAOAG CITY – Manamnama a pumigsa ti koneksion ti wi-fi zone ditoy Ilocos Norte kalpasan nga indauloan da Gob. Matthew Marcos Manotoc ken ti Presidente ken CEO ti Globe Telecommunications a ni Mr. Ernest Cu ti pannaka-activate na babaen ti geotag push button.
Daytoy ket kalpasan a naisayangkat ti Memorandum of Agreement wenno MOA Signing iti nagbaetan ti gobierno probinsyal ken Globe Telecommunications para iti free wi-fi access.
Segun ken ni Mr. Cu, dagiti napili a lima a pampubliko a lugar ditoy probinsia a nakaikabitan dagiti Free Connection ti Wi-Fi ket iti Batac City Hall, Laoag City Hall, Aurora Park, IT Park iti ili ti San Nicolas ken iti Kapitolio Probinsial.
Inpasigurado na a manayunan to pay dagiti lugar a pakaikabilan ti libre a wifi.
Maipalagip nga inrakurak ni ABC Federated President Elmer Faylogna iti Sangguniang Panlalawigan a masapol ti access ti internet connection para iti Communications ken Information ti maysa a pasdek.
Naamoan a dagiti naikabit a libre a Wi-Fi Internet Connections ket para iti social, economic ken educational opportunities.
Naammoan a mausar ti free wi-fi internet access connection iti 30 a minutos iti uneg ti maysa nga aldaw.
Kabayatanna, inbaga ti Gobernador a kalikagumna nga amin nga ili ken Siudad ditoy probinsia ket maaddaan ti free wi-fi access iti internet.
