LAOAG CITY – Kalikagum ni Sangguniang Panlungsod Member Bryan Alcid ti ad-adu a traffic lights ditoy siudad ti Laoag.
Segun kenkuana, nangputar daytoy ti maysa a resolusion a mangkidkiddaw iti Land Transportation Franchising and Regulatory Board, Department of Public Works and Highways, Department of Transportation ken ti opisina ni Ilocos Norte 1st District Rep. Sandro Marcos maipanggep iti nasao a banag.
Inbatadna a nagkiddawda ti uppat a traffic lights para kadagiti major intersections ditoy siudad ti Laoag.
Kunana a daytoy ket kalpasan ti agdama a mapaspasaran a kinairot ti taray ti trapiko kadagiti kangrunaan a kalsada a pagdalyasatan dagiti motorista nangruna iti oras ti panagseserrek ken panagaawid dagiti estudiante ken empleado.
