LAOAG CITY – Namnamaen ni Sangguniang Panlungsod Member Handy Lao a dakkel a makatulong kadagiti umili dagiti naipasana nga ordinansa iti konseho ditoy siudad ti Laoag.
Inbatadna a napalaos ti kinaragsakna gapu ta iti uneg ti siam a tawen a nagserbi kas Konsehal ditoy siudad ket adu dagiti tulong a naipaayna kadagiti umili.
Inlawlawagna nga uray awanton isuna a makita iti session wenno iti City Hall ket nakasagana latta daytoy a tumulong kas private citizen.
Kunana a silulukat daytoy nga agirekomendar ken ni Mayor-elect James Bryan Alcid para iti pagsayaatan ken pagdur-asan ti siudad.
