LAOAG CITY – Manamnama ti pannakaiyuswat ti public hearing mainaig iti Tricycle Franchise Amnesty ditoy ciudad ti Laoag.
Inlawlawag ni Konsehal Jason Perera a basar iti Local Government Code ket masapol a maiyuswat ti public hearing no mangipasa ti konseho ti ordinansa nga adda ti pannakainaig na ti multa.
Kalikagom ni Perera nga agkuyug ti Committee on Transportation ken ti host iti pannakaiyuswat ti nasao a public hearing.
Naamoan a ti nasao nga amnesty ket maipaay kadagiti addaan ti tricycle franchise a nag-expired iti uneg ti innem a bolan, na-revoke, na-cancel wenno illegal a naitransfer ken nailako.
