LAOAG CITY – Kalikagom ti konseho ditoy ciudad ti Laoag nga adaptaren ti Philippine Statistics Authority ti pannakaipaay ti libre a kopya ti birth certificate ken marriage certificate kadagiti babbai.
Daytoy ket babaen ti pannakaipasa ti maysa a resolusyon nga indasar ni Konsehal John Michael Fariñas.
Kuna na a daytoy ket paset ti selebrasyon ti Women’s Month iti bolan ti Marso kas panangbigbig iti napateg nga akem dagiti babbai iti komunidad.
Inpakaammo na a ti Philippine Statistics Authority babaen ti Civil Registration Office ket addaan ti special programa a naimplementar kadagiti sumagmamano nga outlets idiay Metro Manila kas iti Quezon City, Paranaque, Caloocan , Muntinlupa, Makati , San Juan ken Valenzuela, para iti pannakaipaay a libre dagiti nasao a dokumento tunggal lunes ita a bolan ti Marso para kadagiti umuna a 100 a babbai nga agaplikar.
Inbatad na a dagitoy a dokumento ket napateg iti panagsarak ti trabaho, edukasyon, government transaction ken pannakaipaayi t social protection program.
