LAOAG CITY -Saan a maikanatad ti ar-aramiden ti Korte Suprema a pannakibibiang iti impeachment process, partikular iti reklamo kontra ken ni Vice President Sara Duterte.
Daytoy ti inbatad ti maysa a private lawyer a ni Atty. Juanito Antonio.
Inpetteng ni Atty. Antonio a ti impeachment ket political mechanism saan ketdi a judicial process.
Innayon na nga awan ti nailanad iti konstitusyon a mabalin ti Korte Suprema ti makibiang iti impeachment process.
Inpetteng na pay nga inpalawa unayen ti Korte Suprema ti bilegna nga uray saanna a sakop ti maysa nga isyu wenno kaso ket pakibiangan na.
Immuna iti daytoy, nagpila ti petisyon ti kampo ni Vice President Duterte iti Korte Suprema tapno kiddawen a lapdan na ti pannakaisardeng ti panagdengngeg ti kamara de representantes iti impeachment complaints kontra kenkuana.
