LAOAG CITY – Saan nga inaprubaran ti Korte Suprema ti India ti petisyon a mangkidkiddaw ti pagannurutan para iti menstrual leave dagiti babbai a mangmangged ken estudyante.
Basar kadagiti mahistrado, ti kastoy a linteg ket mangitunda ti diskriminasyon gapu ta amangan no awanen ti mangayat pay a mang-hire kadagiti babbai idiay India.
Indaulwan ni Chief Justice Surya Kant ti dua a korte a nangibaga a ti nasao a mandatory leave ket mangitunda ti panagpanunot dagiti babbai a saan da a ka-lebel dagiti lallaki ken mabalin a maapektaran ti panagdur-as ti propesyon da.
Ti isyu ti menstrual leave ket nabayagen a gudua ti opinyon dagiti residente ti India, gapu ta adda dagiti mangibagbaga a mangpasayaat iti salun-at dagiti babbai idinto a dagiti dadduma ket mamati a namonganay daytoy iti stereotype a nakapkapuy dagiti babbai.
Iti sumagmamano nga estado kas ti Bihar, Odisha, ken Karnataka, adda ti maipatpatungpal a limitado a menstrual leave para kadagiti empleado ti gobyerno ken unibersidad.
