LAOAG CITY – Inbilin ti korte ti Estados Unidos a masapul a maipakaammo iti publiko dagiti immigration files ni Prince Harry.
Segun ken ni District Judge Carl Nichols, inmandar na ti pannakairuwar dagiti dokumento a naibasar iti freedom of information (FOI) a kiniddaw ti Heritage Foundation, maysa a konserbatibo a think tank ti European Union.
Ak-akusaran ti Heritage Foundation ni Prince Harry a maipagarop nga inlimed na ti panagusar na iti droga, a rumbeng koma ket saan a kwalipikado a maipaayan ti US visa.
Naamoan a dagiti akusasyon ket nakasentro kadagiti claim ti Duke of Sussex iti maysa a memoir-na nga Spare, no sadinno a dinakamat na ti panagusar iti cocaine, marihuana ken psychedelic mushrooms.
Iti libro a naipublikar idi Enero 2023, insurat ni Prince Harry nga immuna a pinadas na ti cocaine idi agtawen ti 17.
Dinakamat na pay nga arigna awan ti epekto iti bagina ti cocaine idinto a ti marijuana ket naidumduma ken dakkel ti naitulong na kenkuana.
