LAOAG CITY – Saan a ni namnama ni Mr. Sebio Baluan, addaan iti umno a tawen, addaan ti asawa ken residente iti Bgy. 22 iti ili ti Sarrat kalpasan a gimmilyaab ti makina ti kotse na.
Segun ken ni Baluan, immay na intulnog ti anak na ditoy ciudad ti Laoag idi rabii ket idi agawiden, dinagas na ti kaanakan na.
Ngem idi adda dan iti paset ti Bgy. 27 ditoy ciudad ti Laoag ken nadlaw na nga awan silaw ti “dashboard” ti kotse na ngem gapu ta adda silaw na isu nga intuloy da ti nagpataray ngem nadlaw na nga adda angot na agbanbaniit kageddan ti pannakakita na ti asok iti batog ti makina isu nga imoaigid na.
Ket idi maipaigidna, bigla a naggil-ayab ti batog ti makina isu a dimmsaag da nga insigida.
Insigida met a nagresponde ti BFP ngem alisto dagiti pasamak rason nga uray dagiti dua a ligay ti sango ket nauram.
Pammati ni Baluan a ti linya ti kuryente ti makagapu ti uram gapu ta awan met madmadlaw na iti kallabes.
Ti nasao a kotse ket maysa a Honda City model 2006 ken nasurok pay laeng a makatawen a nagatang na.
Agyamyaman ni Baluan gapu ta saan da a naan-ano ken gapu iti langa ti kotse ket napanunutan na nga iporkilo laengen daytoy.
